China Police Station

 چین کے شہر ہانزو (Hangzhou) کی آبادی دو کروڑ دس لاکھ ہے، یہ دنیا کا پہلا اسمارٹ پولیسنگ شہر ہے، حکومت نے شہر میں چالیس ہزار اسمارٹ کیمرے لگارکھے ہیں، تمام کیمرے 167 پولیس اسٹیشنوں کے ساتھ منسلک ہیں، شہر میں کوئی شخص جرم کے بعد ان کیمروں سے بچ نہیں سکتا-

ایک شخص اپنا موبائل فون ٹیکسی میں بھول گئے، پولیس نے ان سے صرف ایک سوال پوچھا، آپ کس وقت اور کہاں ٹیکسی سے اترے تھے، اس شخص نے وقت اور جگہ بتا دی، پولیس نے یہ دونوں معلومات کمپیوٹر پر ٹائپ کیں اور ٹیکسی اور ڈرائیور کا پورا ڈیٹا کھل گیا، وہ ٹیکسی مسافر کو اتارنے کے بعد کہاں کہاں گئی تھی یہ بھی پتہ چل گیا اور ڈرائیور اور اس کے خاندان کے سارے ایڈریسز اور موبائل فون نمبر بھی سامنے آ گئے، ڈرائیور اپنا فون بند کر کے گھر چلا گیا تھا۔

پولیس نے پہلے اس کے ذاتی نمبروں پر رابطہ کیا، وہ بند ملے تو اس کی بہن کو فون کر کے بتایا، تمہارے بھائی نے مسافر کا فون چوری کر لیا ہے، اسے جا کر بتاؤیہ اگر آدھ گھنٹے میں فون کے ساتھ پولیس سٹیشن نہ پہنچا تو ہم اسے گرفتار کر لیں گے، وہ شخص یہ دیکھ کر حیران رہ گیا، وہ ڈرائیور آدھ گھنٹے میں فون لے کر تھانے پہنچ گیا، اس نے مسافر اور پولیس دونوں سے معافی بھی مانگی، اس شخص نے پولیس سے پوچھا، کیا آپ تمام جرائم ان کیمروں کے ذریعے کنٹرول کرتے ہیں، پولیس افسر نے بتایا، ہم لوگ پولیس سٹیشن سے باہر نہیں جاتے، ہم مجرم کی تصویر، نام یا شناختی نشان سسٹم میں ڈالتے ہیں اور چالیس ہزار کیمرے چند لمحوں میں اسے تلاش کر لیتے ہیں۔

 آپ دیکھ لیجیے دنیا کی ماڈرن پولیسنگ کہاں پہنچ چکی ہے ماڈرن دور کے نئے پروفیشنز وجود میں آچکے ہیں، صرف اس ایک انڈسٹری سے 16 اور انڈسٹریز اور پروفیشنز جڑے ہوئے ہیں جبکہ ہم ابھی تک بچوں کو پرانے پروفیشنز میں ڈالنے کے لیے پریشان ہوئے جا رہے ہیں۔

 بچوں کے ٹیلنٹ ڈسکور کریں انھیں نئے آئیڈیاز دیں اورانھیں نئے پروفیشنز سے روشناس کرائیں یہ ہمارا فرض بھی ہے اور ہماری ترقی کا راستہ بھی۔